LAOAG CITY – Nagtalinaed iti ospital ti biktima ken ti suspek iti napasamak a panagtagbat idiay Barangay Binacag iti ili ti Banna.
Nabigbig ti biktima a ni Jayson Benito, 36, naasawaan idinto a ti suspek ket ni Joefrey Juan, 37, addaan ti live in partner ken agpada da a residente iti nasao a barangay.
Segun ti imbestigasyon ti pulisya, bayat nga agrubrubwat ti biktima ken ti asawa na a ni Emelyn Benito gapo ta mapan kuma iti balay ni Brgy. Chairman Adriano Juan tapno idatag ti problema da ngem napan pay laeng ti lalaki iti CR, ken idi rumwar ket nakita na ti suspek nga adda iti balay da.
Naamoan a dagus inarmaran ti suspek ti improvised rifle wenno airgun ken sampilok a nakatamaan ti akin-kannigid a saka ni Benito, ken napan met nangala ti kutsilyo ken ditoy a nagdinnangran da.
Dagus a naiaray iti RHU-Banna ti biktima ken ti suspek ket naikabil iti RHU-Nueva Era ngem naiyakar da iti MMMHC idiay ciudad ti Batac.
Narekobre met dagiti otoridad ti airgun nga agatiddog ti 95 inches, kutsilyo nga agatiddog ti 48 inches ken 54 inches a sampilok.
Iti imbestigasyon dagiti otoridad ket rumrumwar a ti motibo ti pasamak ket dati a susik.
