LAOAG CITY – Nairekord manen ti Taiwan ti sumagmamano nga eroplano ti militar ti China iti aglawlawna iti uneg ti 24 nga oras.
Idi laemg Huebes, Hulio 11, umabot agingga 66 nga eroplano ti militar ti China ti naduktalan ti Taiwan Ministry of National Defense iti aglawlaw da.
Malaksid iti daytoy, naduktalan pay ti Taiwan ti 7 a barko ti People’s Liberation Army Navy iti aglawlaw.
Manipud iti nasurok nga 60 nga eroplano, 56 kadagitoy ti natakuatan a bimmallasiw iti sensitive median line iti Taiwan Strait, ti danum a mangisina iti mainland China ken Taiwan.
Dadduma pay kadagiti eroplano ti militar ti China ket naasideg idiay Taiwan agingga iti 33 nautical miles (61KM) iti abagatan a pasetna.
Iti daytoy a tawen, 66 nga eroplano ti militar ti naduktalan iti paset ti Taiwan.
