LAOAG CITY – Agtultuloy ti mapaspasaran a napigsa a tudo idiay Japan a nangitunda ti napasamak a nalawa a landslide iti paset ti Shizuoka City iti nasao a pagilyan.
Daytoy ti report ni Bombo International Correspondent Jim Christzer Pablo, tag Bacarra, Ilocos Norte ngem agdama nga agtrabtrabaho idiay Kagawa, Japan kas mangisursuro.
Segun ken ni Pablo, addan iti uppat a tattao a kumpirmado a natay idinto nga agarop 80 a sabsabali dagiti mapukpukaw iti napasamak a landslide.
Inpakaammo pay ni Pablo a marigatan ti rescue team nga agbiruk kadagiti mapukpukaw gapu iti agtultuloy a mapaspasaran a napigsa a tudo iti nadakamat a ciudad.
Agpapan maisursurat daytoy a damag ket awan pay ti naireport a nairaman a Pilipino iti napasamak a nalawa a landslide iti nadakamat a ciudad.
