LAOAG CITY – Nabirukanen ti mangngalap iti ili ti Currimao a nagpukaw, addan dua nga aldaw ti napalabas.
Daytoy ti inpakaammo ni Police Major Arnel Tabaog, ti OIC iti PNP-Currimao.
Segun ken ni Tabaog, nakita ti mangngalap a ni Lyndon Ragonjan, taga Barangay Victoria iti ili ti Currimao iti baybay a sakop ti ili ti Cabugao iti probinsya ti Ilocos Sur.
Awan met ti sinagaba nga aniaman a sugat ni Ragonjan.
Maipalagip nga idi parbangon ti martes ket napan timmapog iti baybay ni Ragunjan ngem nagdanag ti pamilya na kalpasan a saanda a napasangpet iti dayta met laeng nga aldaw isut gapuna a napanda nagpatulong iti PNP.
Nakikoordinar met a dagus ti PNP iti Coastguard ken Maritime para iti pannakabiruk kenni Mr. Ragunjan.
