LAOAG CITY – Inpetteng ni Mrs. Evelyn Jumaon a kinugtaran dagiti pulis iti namindua a daras ti anak na a ni Andrew Pasion nga isu ti patyen da a rason ti pannakatay na.
Segun kenkuana, nabartek ken nakaidda ti anak na ngem kinusayan dagiti kameng ti PNP-Dingras a rason ti panagsakit ti rusok na.
Gapo iti daytoy, kunana a binagaan isuna ti anak na a nakapsot isuna ken arig na saan a makakuti ngem gapo ta saan nan a kinabaelan ket inkabil da iti ospital iti nasao nga ili.
Inlawlawag na a kuna ti doktor a nagtangken ti buksit ti anak na ngem awan ti inbatad ti maseknan a rason ti nakatayan ti nasao a biktima.
Kalikagom ita ti pamilya nga ipa-autopsy ti bangkay tapno maamoan ti rason ti pannakatay na.
Kabayaanna, kuna ni Kag. Romualdo Batallones a nagpatulong ti ina kenkuana kalpasan a maipagarop a kinugtaran ti binigbig na a pulis nga agnagan ti Jayson Calma.
Kunana nga idi nakadanon da iti balay ti biktima ket awanen dagiti pulis a nagresponde.
