LAOAG CITY – Inbatad ni Pl/Lt/Cl Roldan Suitos hepe iti Philippine National Police iti ili ti Bacarra nga addan ti suspek mainaig iti napasamak a pammaltog kadagiti ama iti Brgy. Cabusligan iti ili ti Bacarra.
Segun kenkuana, manamnamma a mapilaan ti kaso ti suspek iti kabiitan a panawen ken maiyur-uray laengen ti affidavit iti agbalin a witness.
Mainaig iti daytoy, saan pay a mabalin a maikkan ti detalye ti suspek agingga a saan mapilaan daytoy ti kaso agsipud iti pammilin ti Provincial Director.
Innayonna, nu man pay a saan pay laeng a mabalin a maiparuk-at ti naan-anay detalya ti imbestigasion ti Philippine National Police iti nadakamat nga ili ket adda dagiti anggulo a posible a motibo ti suspek nangruna ta addan dagiti naaw-awat dagiti dua biktima a pangta iti biag sakbay ti insidente.
Kabayatanna, mangistabslihar ti naan-anay a maipila a kaso kontra iti suspek iti kabiitan a panawen.
Maipalagip a napaltu-paltogan dagiti agama a da Edgar Magaoay, agtawen ti 51, naasawaan ken ni Jerremias Magaoay, agtawen ti 24 residente iti nadakamat a lugar iti pagtaenganda iti Brgy. Cabusligan iti ili ti Bacarra no sadinno a nakairekobre dagiti otiridad ti 8 a capsula iti mapapati a 45 caliber.
Immunan iti daytoy, naiget a naglikudan ni Viviano Magaoay nga isuna ti utek iti napasamak a pammaltog kadagiti agama nga itudtudo dagiti biktima.
