LAOAG CITY – Inrakurak ni US president Donald Trump a makipagkita ken ni Chinese President Xi Jinping idiay China intono Mayo 14-15 ita a tawen.
Daytoy ket kalpasan a naitantan ti panagbiyahe ti landmark trip ni Trump gapu iti gubat ti Estados Unidos, Israel ken Iran.
Maibilang daytoy a kaunaan nga ibibisita idiay China ti US President kalpasan iti agarop 10 a tawen.
Kabayatanna, naikeddeng met nga ag-host ni Trump para ken ni Xi iti Washington DC iti maudi a paset ti agdama a tawen.
Iti agdama ket maipinpinal laengen ti preparasyon para iti maibilang kas pakasaritaan a panagbisita.
