LAOAG CITY – Possible a sumango iti kaso a plunder ni Vice President Sara Duterte.
Daytoy ket kalpasan a naduktalan iti panagdengngeg ti House Blue Ribbon Committee dagiti seryoso nga irregularities kangrunaan na ti saan nga usto a pananggastos ti confidential funds ti Office of the Vice President ken Department of Education idi ti bise presidente paylaeng ti sekretaryo.
Segun ken ni Antipolo Rep. Romeo Acop, iti naudi a panagdengngeg ti House Committee on Good Government and Public Accountability seknan iti confidential funds ket naibutaktak dagiti kwestiyunable a disbursement.
Inpetteng ni Acop ti kinakurang ti transparency ken iti panaggastos ti pampubliko a pondo a saan a maiyannatop iti linteg.
Inpaganetget pay ni Acop a basar iti imbestigasyon ti Komite ti alokasyon ti confidential funds iti Office of the Vice President ken Department of Education ket nausar iti wagas nga adda ti panaglabsing iti Commission on Audit – Department of Budget and Management Joint Circular No 2015-01.
Innayon na nga arigna iranranta nga ul-ulawen ken iyaw-awan ti narrative ti kampo ni Vice President Sara tapno mailiklik ti atensiyion no sadinno ti nakaikabilan ti confidential funds ti Office of the Vice President ken ti Department of Education.
Kabayatanna, possible a sumango ti plunder, technical malversation, falsification of public documents ken bribery dagiti trusted aid ni Vice President Sara Duterte.
Nagballaag dagiti agpanpanday linteg a possible a mabalud ti innem agingga iti 12 a tawen no mapaneknekan a guilty dagitoy iti krimen.
