LAOAG CITY – Nagatendar iti panagdengngeg ti House Blue Ribbon Committee ita nga aldaw ni Vice President Sara Duterte no sadinno nga agtultuloy ti maiwaywayat nga imbestigasion iti P612 million confidential funds.
Nagsapata met Vice Pres. Sara sakbay a pinalubusanda nga agsarita iti panagdengngeg.
Nagbalin a nabara ti panagsisinnukat dagiti rakurak nangruna idi sinaludsod ni Vice Pres. Sara ti maipagarup a due process iti pannakaibalod ti chief of staff-na a ni Atty. Zuleika Lopez.
Kukuestionaren ni Vice Pres. Sara ti pannakaipataw ti kanayonan a lima nga aldaw a pannakaibalod ken ni Lopez.
Naammoan a ni ACT Teachers Partylist Rep. France Castro ti nagmosion nga iyalud-od ti pannakaibalod ken ni Lopez gapu ta saan a nakaatendar daytoy iti panagdengngeg.
