LAOAG CITY – Umabot iti 11 a tattao ti natay, pakairamanan ti agtawen ti tallo nga ubbing iti napasamak a pammaltog iti hostel iti South Africa.
Malaksid kadagiti natay ket adda pay ti 14 a sabsabali dagiti nasugatan kalpasan ti panagtudo ti bala dagiti armado a lallaki iti venue iti Saulsville township, laud ti ciudad ti Pretoria a kabisera ti South Africa.
Segun ken ni police spokesperson Brigadier Athlenda Mathe, immuna a pinaltu-paltogan dagiti suspek dagiti tattao nga aggiinom iti lugar.
Agpapan ita ket saan pay a masinunuo ti motibo iti pammaltog ken awan pay ti naarestar a suspek.
