LAOAG CITY – Kinumpirmaran ni Police Captain Joseph Calderon, ti chief of police ti PNP-Dingras ti pannakalmes ti agtawen ti maysa nga ubing iti waig a puon ti nakatayan na iti Barangay Barong iti nasao nga ili.
Segun kenni Calderon, inpaaywan ti ina ti anak n a kadagiti dua a kakabsat na gapo ta mapan aglaba daytoy.
Nupay kasta, kunana nga idi nagsubli ti ina tapno mapan na ikkan ti gatas ti anak na ket saan dan a makita daytoy isut gapo na a napan binirok daytoy.
Inlawlawag na a nabirukan ti ubing iti kaadayo a 100 a metro iti pagtaengan da.
Kunana a rumrumuar iti imbestigasyon a mabalin a naliwayan ti panagbantay iti biktima ken nagna wenno nagkaradap agingga a naregreg iti waig.
