LAOAG CITY – Nakaawat ti Anti-Money Laundering Council (AMLC) ti sabali pay a freeze order kadagiti assets dagiti dadakkel a kontraktor ken kameng ti House of Representatives.
Kuna ti AMLC a karaman iti freeze order ti 1,193 a bank accounts.
Umabott iti 6,538 a bank account ti na-freeze, pakairamanan ti 367 nga insurance policies, 255 a lugan a de motor, 178 a real properties, 16 nga e-wallet account ken tallo a securities account, gapu iti pannakairaman da iti anomalya kadagiti proyekto a panangkontrol iti layus.
Innayon ti AMLC a ti gatad a nairaman ket P20.3 billion ken manamnama nga umadu kabayatan ti imbestigasyon.
