LAOAG CITY – Mangiwayat ti Bureau of Plant Industry (BPI) ti inspection kadagiti bodega ti sibuyas tapno ammoen no adda ti mapaspasamak nga hoarding wenno panangilemmeng kadagiti suplay.
Daytoy ket kageddan metten ti pammilin ni Agriculture Secretary Francisco Tiu Laurel Jr. a bisitaen amin dagiti cold storage facilities iti intero a pagilian no sadinno a naka-stock dagiti sibuyas.
Basar iti Bureau of Plant Industry, masapol a maammoan no ilemlemeng dagiti kaap-apit a sibuyas nga imbes a maikabil ken mailako iti merkado.
Manamnama a malpas ti Bureau of Plant Industry dagiti nasao a maiwaywayat a serye ti inspection iti uneg ti uppat agingga pito nga aldaw.
Kabayatanna, basar iti Department of Agriculture (DA), no maduktalan nga ilemlemmeng dagiti binulto a sibuyas, maibilang daytoy nga hoarding ken pananggandat a manipulaen ti presio ti sibuyas.
