LAOAG CITY – Kinumpirmaran ni Police Major Jospeh Baltazar, chief of police ti PNP-San Nicolas ti pannakadiskubre ti bangkay ti maysa nga empleado ti Filipinas East Elementary School iti paset ti Barangay 6 iti nadakamat nga ili.
Binigbig ni Baltazar ti lalaki a ni Roberto Aliga, maysa nga administrative Aide iti nasao a pagadalan.
Segun kenni Baltazar, iti inisyal a panagimbestigar da ket adda ti nakita da nga stain ti isbo iti flooring rason a mabalin nga immisbo ti biktima iti puon ti kayo ken posible a ditoy a naulaw wenno naatake.
Naamoan a ti biktima ket adda ti sagsagabaen na nga hypertension.
Mainaig iti daytoy, kuna ni Baltazar nga awan met ti nakita da a sugat iti parte ti biktima isut gapo na a mabalin a naatake ngem saan da pay a makumpirmaran.
Inbatad na nga awan met pay ti desisyon ti pamilya ti biktima no ipadalan da iti otopsiya ti bangkay.
Ummuna iti daytoy, kunana a basar iti palawag ti anak ti biktima ken nagturong ti ama na iti pagadalan tapno mapan na i-on dagiti silaw.
Nupay kasta, tawtawagan ti pamilya ti biktima isuna gapo ta nakainom a napan iti pagadalan ngem nabati na ti cellphone na iti pagtaengan da.
Innayon na a saan met a napan kinitkita ti pamilya na ti biktima bayat nga adda iti pagadalan gapo ta ti ammo da ket agawid met laeng agingga a naduktalan da laengan a nabirukanen a bangkay.
