LAOAG CITY – Kalikagom ti gobierno lokal a matulungan ti kalesa industry ditoy ciudad ti Laoag.
Daytoy ti inbatad ni Atty. Charito Malicad, ti City Tourism Officer ditoy ciudad.
Inlawlawag ni Malicad a maobserbaran a bumasbassiten dagiti agipaspasada ti kalesa ditoy ciudad.
Kuna na a saan a mabalin a mapukaw ti kasela industry ditoy ciudad gapu ta saan laeng a paset daytoy ti kultura dagiti Laoageños no di ket amin nga ilukano ditoy probinsya.
Inrakurak daytoy ni Malicad iti pannakaitampok dagiti 20 a kalesa kabayatan ti parada a paset ti selebrasyon ti Pamulinawen Festival ditoy ciudad ti Laoag.
