LAOAG CITY – Plano ni Governor Cecilia Araneta-Marcos ti mapan agatendar iti closing ceremony ti Region 1 Athletic Association Meet idiay Candon City, Ilocos Sur.
Inbatad na a saan a nakaatendar iti opening ceremony ti Region 1 Athletic Association Meet idi Abril 5 ita a tawen gapu ta ado dagiti nakakumikuman na.
Mangnamnama ti gobernador nga agbalin a napintas ti performance dagiti atleta ditoy probinsya, aglalo ket nagpaot ti 60 nga aldaw a panagensayo da.
Nupay kasta, kuna na nga aniaman ti agbalin a rank dagiti atleta iti Ilocos Norte ket saan nga isu ti kapatgan gapu ta iti pannakipaset da iti Region 1 Athletic Association Meet ket dakkelen a banag.
Ti Region 1 Athletic Association Meet 2026 ket agpatingga intono Abril 11 ita a tawen.
