LAOAG CITY – Natay ti maysa a lalaki kalpasan ti napasamak a desgrasya iti Bypass road, bisinidad ti Barangay 30-B, Sta. Maria ditoy ciudad ti Laoag.
Nabigbig daytoy a ni Jarrold Agliam y Bolusan, agtawen ti 37, helper ti trucking service ken residente iti Barangay 48-A, Cabungaan ditoy ciudad.
Iti imbestigasyon ti PNP-Laoag, naggapo ni Agliam iti pagtrabahoan na a nakalugan ti kurong-kurong ken bayat nga agpaabagatan ket maipagarop nga immagaw ti linya.
Gapo iti daytoy, nakadinnungpar na ti agpaamyanan a Montero nga inturong ni Antonio Pascual y Guillermo, agtawen ti 64, naasawaan, retirado a kameng ti PNP ken residente iti Barangay 4 ditoy ciudad.
Dagus met a naitaray ti biktima iti ospital ngem naideklara a dead on arrival gapo iti sinagagaba na a sugat.
Rumrumuar a ni Agliam ket adda iti impluwensya ti nasanger idi napasamak ti insidente.
Mainaig iti daytoy, ummunan a plano ti pamilya ni Agliam nga agipila ti reklamo ngem agpapan maisursurat ti damag ket manarimaan ti saritaan dagiti dua a partido.
