LAOAG CITY – Nangilungalong ni Liga ng mga Barangay President Rbee Ablan ditoy siudad ti Laoag ti maysa a resolusion maipapan iti panangsuportana iti Senate Bill No. 2629 ni Senador Imee Marcos a mangiyalud-od ti termino dagiti barangay officials agingga iti innem a tawen.
Segun ken ni ABC President Ablan, napintas daytoy nga addang ti Senadora tapno mas ad-adda a matutukan dagiti kabarangayanda ken ad-adu ti maaramidanda a pagsayaatan iti barangayda.
Inbatadna a daytoy nga ordinansa ket addan iti maikadua a pannakaibasana a kasapulan a matingiting a naimbag daytoy a banag.
Naammoan a nailanad iti nasao a gakat nga awan ti barangay elective official nga agserbi iti nasurok dua nga agsasaruno a termino iti maymaysa a puesto.
Maipalagip nga indasar ni Senador Marcos ti gakat a mapagbalin nga innem a tawen dagiti agserserbi nga opisial iti uneg ti barangay.
