LAOAG CITY – Dead on Arrival iti ospital ti maysa a lalaki kalpasan a naidungpar ti inturong na a motorsiklo iti puon ti kayo idiay Brgy. 55 B Salet-Bulangon ditoy ciudad ti Laoag.
Nabigbig daytoy a ni Irish Jay Diza y. Agtang, 19, baro, maysa bagger, ken residente idiay Brgy. 26 Canaan, Vintar Ilocos Norte.
Segun ti inisyal nga imbestigasyon ti PNP-Laoag, bayat nga agpapaamyanan a direksyon ti inturong na a motorsiklo ket dita a naawanan ti kontrol ken kellaat a naidungpar iti puon ti kayo a gmelina.
Gapu iti daytoy, nagpasar ti nakana a sugat ti ulo ti biktima ken akin-kannawan a saka na.
Dagus a naitaray iti Governor Roque Ablan Senior Memorial Hospital (GRASMH) ni Diza ngem naideklara a natayen ken naamoan a nakainum daytoy iti nasanger.
