LAOAG CITY – Simmuko kadagiti otoridad iti ili ti Paoay ti maysa a drug personality.
Daytoy ti kinumpirmaran ni Police Major Eddie Suyat, ti chief of police ti PNP-Paoay.
Segun kenni Suyat, ti simmuko a drug personality ket maibilang nga street level individual nga agtawen ti 48, naasawaan ken maysa a mekaniko.
Inbatad na a simmuko ti nasao nga indibidual babaen iti programa ti PNP nga Oplan Allukoy.
Kunana a sakbay a simmuko daytoy ket dimmalan iti drug test examination ken negatibo met daytoy.
Nupay kasta, kunana nga agtultuloy latta ti panangmonitor ti Barangay Anti Drug Abuse Council (BADAC) ken ti Municipal Anti Drug Abuse Council (MADAC).
