LAOAG CITY – Sumango iti kaso a panaglabsing iti Sec.11 ken 12 ti RA 9165 wenno ti Comprehensive Dangerous Drug act of 2002, RA 10591 ken RA 9516 ti subject ti search warrant operation iti ili ti Bangui.
Nabigbig daytoy a ni Roderick Acedo y Villanueva, negosyante ken residente iti Barangay Baruyen iti nasao nga ili.
Ti search warrant operation ken inpatungpal ti PDEA RO1- Ilocos Norte Provincial Office, PDEA AIU, Bangui Police Station, RDEU ken RMFB.
Nakumpiskar dagiti otoridad iti pagtaengan ni Acedo dagiti lima a sachet ti maipagarop a shabu, innem a sachet a naglaon ti bulong ken bukel ti marijuana, maysa a magazine ti caliber 4.56 nga adadaan ti siyam a bala, maysa a Rocket-propelled grenade.
Segun kenni Police Major Julius Basallo, chief of police ti PNP-Bangui, ni Acedo ket datin a natiliw idi 2016 babaen met laeng iti pannakaiyuswat ti search warrant gapo iti panaglabsing na iti RA 10591.
Innayon na a ni Acedo ket karaman iti drug watchlist ti PNP ken saan a simmuko.
