LAOAG CITY – Inlungalong ni Senador Risa Hontiveros ti panangimbestigar ti Senado iti kaso dagiti Pinlipina a naisalakan idiay Cambodia a nagbalin a “baby-makers” wenno surrogate mothers.
Iti naipila a Senate Resolution 1211 ni Hontiveros, kalikagom ti mangidadaulo ti Senate Committee on Women, Children, Family Relations and Gender Equality a maimbestigaran ti human-trafficking case kadagiti Pinay abroad a nagbalin a biktima ti nfant-trafficking scheme.
Maibasar iti report, 20 a Pilipino ti inispal dagiti otoridad ti Cambodia iti Kandal province gapu ta maar-aramat kas surrogacy wenno panagsikog iti anak ti sabali.
Iti daytoy a bilang, 13 ti masikog no sadinno a naidarum da iti kaso a mainaig iti human trafficking babaen ti Cambodian Kandal Province Court idinto a pito ti naduktalan nga addaan iti immigration offenses ken napapanaw manipud Cambodia.
Naamuan a na-recruit dagiti Pilipina online ken sumagmamano kadakuada ti makaammu no ania ti trabahoda iti ballasiw-taaw.
Kabayatanna, immunanan a nagballaag ti Department of Foreign Affairs wenno DFA iti baro a human-trafficking scheme kadagiti Pilipino.
