LAOAG CITY – Ipatungpal ti Department of Agriculture (DA) ti pannakaiparuk-at dagiti stock a bagas kadagiti local government units (LGUs) iti sumaruno a lawas kalpasan a naideklarar ti food security emergency iti pagilian.
Daytoy ti inrakurak ni Agriculture Secretary Francisco Tiu Laurel Jr.
Inbatad ni Laurel nga iti agdama ket addan ti nasurok a 50 a lokal a gobierno a nagkari a tumulong iti gagem ti gobierno a pannakailako dagiti bagas iti nalaklaka a presyo.
Maipalagip nga indeklarar ni Laurel ti food security emergency iti bagas, maibasar iti rekomendasyon ti bigas National Price Coordinating Council.
Iti babaen ti emergency declaration, maipalubos ti pannakaiparuk-at ti rice buffer stocks ti National Food Authority (NFA) tapno agbalin a natalged ti presyo ken siguradwen a ti bagas ket agtalinaed nga accessible kadagiti consumers.
