LAOAG CITY – Lumaban ita nga aldaw ni Para Swimmer Ernie Gawilan iti 400 meter freestyle S7 race iti agtultuloy a Paralympics idiay Paris.
Daytoy ket kalpasan a napaay a makaabante iti medal race iti 200-meter individual medley SM7 ni Gawilan ken nagleppas daytoy iti maikanem a puesto.
Maibilang ni Gawilan kas kalaingan iti Asya iti nasao nga event.
Nagballigi daytoy ti balitok a medalya idi 2018 Asian Para Games idiay Jakarta, Indonesia ken idi 2022 Para Games idiay Hangzhou, China.
Inbatadna a nakasagana daytoyen ken awan ti makalapped iti labanna.
Naammoan a no mangabak daytoy ket dagus a makipaset iti medal race ti 400 meters free style inton bigat, aldaw ti Martes.
