LAOAG CITY – Naikeddeng a tingitingen manen ti Senate Blue Ribbon committee ti pagsungbatan ni Presidente Ferdinand Marcos Jr. mainaig iti flood control project anomalies.
Inbatad ni Senate President Pro Tempore Panfilo Lacson a daytoy ti agbalin a prioridadda ita nga aldaw ti Lunes, Pebrero 9, no ania ti aramiden no bilang karaman ti Presidente.
Iyur-urnosen ti panel ti draft committee report tapno makaala ti umdas a pirma para iti pagdedebateanda iti plenario.
Immunan nga inrakurak ni Lacson nga awan ti direkta nga ebidensia a karaman ti Presidente iti bribery wenno pannakabaybay-a ken inaprobaranna ti basta lattan ti General Appropriations Act (GAA) nga insagana ti Kongreso.
