LAOAG CITY – Adda ti agarup 400 a survivors idiay Cebu ken Davao ti naipaayan ti Mental Health and Psychosocial Support wenno MHPSS kalpasan ti nagsasaruno a gingined.
Karaman iti serbisio ti psychological first aid, psychological processing ken debriefing sessions tapno mataming ti posible a maaddaan ti Post-Traumatic Stress Disorder wenno PTSD dagiti survivor.
Karaman pay kadagiti nakaawat ti Mental Health and Psychosocial Support ti 190 a barangay health workers, 179 a nataengan ken 20 nga ubbing.
Inpasiguurado ti Department of Health nga agtultuloy a nakasagana dagiti amin a Department of Health Centers for Health Development para iti pannakaipaay ti Mental Health and Psychosocial Support response nangruna kadagiti frontline workers a kangrunaan nga agresresponde kadagiti kalamidad.
