LAOAG CITY – Balligi a naarestar ti Philippine National Police iti ili ti Pinili ti maibilang a kas Top 3 Most Wanted Person – Municipal level no sadinno agpapaay kas security guard.
Binigbig ni P/Cpt Kester Arellano, Chief-of-Police ti Philippine National Police iti ili ti Pinili ti akuasdo nga agtawen ti 23, awanan asawa, agpapaay kas security guard ken residente iti Brgy. Sacritan iti nadakamat nga ili.
Segun kenkuana, naarestar ti akusado babaen ti bileg ti warrant of arrest nga inparuk-at ni Francisco Roberto Dauz Quilala, Presiding Judge ti Regional Trial Court Branch 14 ditoy siudad ti Laoag.
Mainaig iti daytoy, sumangsango ti akusado iti kaso a Crime of Alarms and Scandals, violation iti Republic Act 10591 wenno Comprehensive Firearms and Ammunition Regulation Act ken narekomendaran daytoy nga agpiansa iti P120,000 para iti temporario a pannakawayawayana.
Naammoan nga agpapaay kas security guard iti maysa nga establishemento ditoy ciudad ti akusado no sadinno idi napan a bulan ti Mayo ket maipagarup nga adda dagiti nagriri rason a napan daytoy a naganawa ket maipagarup a nagpaputok daytoy ti paltog.
