LAOAG CITY – Agtultuloy a birbiruken ti PNP Sarrat dagiti suspek iti panagtagtagbat a dagiti agkabsat a da Dexter Lucban ken Hardy Lucban ken dagiti kakadwa da a naglibas kalpasan ti insidente.
Daytoy ti kinumpirmaran ni Police Master Sergeant Meynard Baguina, imbestigador ti PNP-Sarrat.
Daytoy ket kalpasan a nasugatan ti maysa a senior citizen a ni Edmond Baoat y Calagui, agtawen ti 61 kalpasan ti napasamak a panagtatagbat iti Barangay 21, San Marcos, Sarrat, Ilocos Norte.
Segun ken ni Police Master Sergeant Meynard Baguina, imbestigator iti nasao nga insidente, manarimaan pay laeng a matamtaming ti biktima iti Provincial Hospital.
Naammoan a nakasagana a maipila ti kaso a Frustrated Murder kontra kadagiti suspek iti agsapa inton bigat.
