LAOAG CITY – Naikkat ti ligay ti maysa a pampasahero nga eroplano kabayatan nga ag-landing idiay Denver.
Aggapu iti Los Angeles ti United Airlines jet idi ag-landing idiay Denver ket naikkat ti landing-gear wheel.
Awan ti naipadamag a nasugatan a pasahero wenno crew iti nasao nga insidente.
Basar iti United Airlines a mangisaysayangkatdan ti imbestigasion no kasano a naikkat ti ligay ti United Flight 1001 a maysa a Boeing 757-200.
Maipalagip nga idi Marso ket maysa nga United Boeing 777-200 jet met ti naikkatan ti ligay kabayatan nga adda daytoy iti tangatang manipud iti San Francisco ken natalged met a naka-landing ti Los Angeles International Airport.
