LAOAG CITY – Naragsak ken nagyaman ni Mayor Fritzie dela Cruz-Gapazin iti Bacarra, Ilocos Norte iti pannakagun-od da ti Seal of Good Local Governance (SGLG) Award manipod iti Department of Interior and Local Government (DILG).
Inbatad na nga adda ti pito a criteria a pagibasaran ti DILG tapno magun-od ti nasao a pammadayaw.
Karaman ditoy ti financial administration, disaster preparedness, social protection, peace and order, business friendliness and competitiveness, environmental protection ken Tourism, Culture and Arts.
Inlawlawag ti mayor a ti nasao a pammadayaw ket i-credit da pay laeng iti ama na a ni dati a Mayor Nicomedes dela Cruz Jr. gapu ta nagtugaw laeng idi Hulyo kas mangidaulo iti ili ti Bacarra ita a tawen.
Malaksid iti ili ti Bacarra, napadayawan pay iti ili ti Burgos, Banna, Currimao, San Nicolas, Vintar ken Bangui.
