LAOAG CITY – Balligi a naarestar ti maysa a Senior Citizen gapu iti sangsangwen na a kaso nga statutory rape iti ili ti Pinili.
Binigbig ni P/Capt. Chester Arellano, hepe ti Philippine National Police iti ili ti Pinili ti akusado nga agtawen ti 60, mannalon ken residente iti nasao nga ili.
Naarestar ti akusado babaen ti bileg ti warrant of arrest nga inparuk-at ni Dinah Myrtle Morales Pacquing, Presiding Judge ti Family Court, Branch 6, Batac City, idi Agosto 14, 2024.
Naamuan nga awan ti nairekomendar a piyensa ti akusado.
Segun ken P/Capt. Arellano ti akusado ket maibilang a Most Wanted Person ken Top 7 Regional Level.
Inlawlawag pay ti hepe a napilaan ti akusado gapu ti panangrames na iti agtawen ti siyam nga apoko na.
Iti agdama ket nagtalinaed iti kustodiar ti Philippine National Police iti ili ti Pinili ti akusado ken manamnama a maidatag iti korte a naggapwan ti warrant of arrest.
