LAOAG CITY – Inpetteng ti Malakanyang a kalikagom ni Presidente Ferdinand Marcos Jr., a maipaay no ania ti pagsayaatan dagiti mangmangged a Pilipino.
Daytoy ket kalpasan ti panangpatibker ti kamara de representantes iti nailungalong a gakat para iti P200 legislated wage increase.
Immunanan nga inaprubaran iti plenary ti Kamara de representantes ti nasao a gakat no sadinno a 172 a kongresista ti nagbotos pabor iti nasao a gakat.
Sakbay ti panangpatibker ti kamara de representantes iti nasao a gakat ket nakitaripnong dagiti labor groups ken ni Presidente Marcos iti Malakanyang.
Agpapan ita ket awan pay ti komento ti malakanyang no adda ti pammalubos ti chief executive iti panangaprubar ti kamara de representantes iti nasao a gakat.
Mainaig iti daytoy, inbatad ni Palace Press Officer USec. Claire Castro nga adalen pay ti gobierno ti agbalin nga implikasyon ti P200 legislated wage hike iti ekonomiya.
Kuna ni Castro a kitaen ti presidente ti amin nga aspeto ken concerns ti amin nga stakeholders.
Innayon ni Castro nga adalen a naimbag ti presidente no pirmaan na ken mapagbalin a linteg ti nailungalong a P200 legislative wage hike.
Kabayatanna, uray naipasan iti kamara de representantes ti nasao a gakat ket dumalan pay daytoy iti senado.
