LAOAG CITY – Kinumpirmaran ni Police Chief Inspector Marlon Padamada, ti chief of police iti Pasuqun, Ilocos Norte a monmonitoren da dagiti chinese nationals iti nasao nga ili.
Inbatad na a daytoy ti pammilin ni Provincial Director Police Senior Supt. Cesar Pasiwen ken dagiti intelligence community.
Segun ken ni Padamada, adda dagiti naala da a pasaporte dagiti sumagmamano a chinese nationals ken iti inisyal nga imbestigasyon da ket adda ti proyekto da iti nasao nga ili.
Inpakaammo na a manipod kadagiti 31 a chinese nationals nga adda idiay ili ti Pasuquin ket 27 laeng dagiti nakaisumitir kadakuada.
Nupay kasta, inbatad na a no saan a mapan isumitir dagiti dadduma a chinese nationals ti pasaporte da ket ikoordinar da daytoy iti Bureau of Immigration (BI).
Innayon nga agtultuloy iti imbestigasyon da tapno maamoan no ania ti pudno nga estado dagiti maseknan ditoy probinsya.
