LAOAG CITY – Inbatad ni Police Lt. Col. Amador Quiocho, chief of police ti PNP-Laoag nga ur-urayen da ti official affidavit ti pamilya ti lalaki a pimmusay kalpasan a nabagkong iti Sitio Lusong iti Brgy. 27 ditoy ciudad kontra iti suspek.
Ti biktima ket agtawen ti 24, baro, construction worker ken residente iti Sentro West, Ballesteros, Cagayan idinto a ti suspek ket agtawen ti 40 a lalaki, construction worker ken residente iti Brgy. Nagpatpatan iti ili ti Solsona.
Basar ti impormasyon, immay ditoy probinsya ti pamilya ti biktima ti ken inyawid da ti bangkay idi kalman.
Segun kennui Quiocho, ti affidavit laengen ti ur-uaryen da tapno maipila ti kaso a homicide kontra iti suspek.
Kabayatanna, agtultuloy a birbiruken dagiti otoridad ti suspek kalpasan a naglibas idi nabagkong na ti suspek.
Maipalagip nga aggi-inom ti biktima ken ti suspek ken dagiti dadduma a katrabahoan da iti construction idin ta adda ti nagbalin a riri iti nagbaetan dagitoy.
Gapu iti daytoy, inruar ti suspek ti kutsilyo na ken dita a binagko-bagkong na ti biktima a nagsagaba iti uppat a bagkong iti barukong ken takyag a nangitunda ti dagus a pannakatay na.
